咁都唔掛八號風球

昨天真係好大風. 由朝早九點幾澳門改掛八號風球開始, 我就抱住一個希望, 希望香港都改掛八號風球.

冇錯, 我係懶! 我係想放假. 但我心裡真正的原因, 係我好想返屋企睇吓我間屋有冇事. 唔知甚麼地理環境因素, 我所住嘅屋苑特別當風. 之前一晚初掛三號風球已經感受到風那股震撼力. 整晚被風聲嘈醒數次. 風最強力的時候, 我與太太都給弄醒了. 但我倆都沒作聲, 可能因為我倆驚到唔敢出聲. 驚嘅係驚間屋嘅玻璃窗會被吹爛. 爆玻璃就麻煩喇. 所以早上在公司見到咁大風, 真的非常擔心. 即使有購買家居保險, 都不想自己間屋有事吧. 所以, 我係懶得有道理的.