J小姐都結婚了

昨晚與一班舊同事聚餐, 原來我已經一整年沒見過他們. 雖然咁耐冇見, 但我們沒有生疏, 很開心的過了一個晚上.

飯後大家歸家, J小姐與M小姐與我同路. 路上J小姐投訴說我婚後她從沒機會向我逗利是. 我當然說明年必定留封利是給她. 怎知她說原來今年已是她最後一次機會喇. 我天生反應遲鈍, 我來不及吸收她的說話, M小姐已經「咦咦」, 「咦咦」的叫了出來. 哈哈, 我明白了.

幾時好日子啊?
10月X日註冊, X+8日擺酒.
又係10月, 個個都喜歡10月結婚.
咁點解剛才食飯你唔公佈?
唔知點開口嘛!
怕羞啊? 哈哈? 恭喜晒~~

又有喜事, 真替朋友高興. 我哋8 個人, 我第3個結婚, J小姐第5個, 唔知下一個又會係邊個呢? 昨晚M小姐去到地鐵月台有男友等候. 咦! 仲係豹仔, 冇換畫喎. 我估佢第6都冇乜走雞喇啩.