死o靚仔, 有得玩好玩喇~~

6月14日, 下午2時44分. 我在辦公室內工作, 好眼瞓. 我聽到公司樓下幼稚園D細路在樓下花園玩耍, we嘩鬼叫, 好大聲. 我最討厭D細路放聲尖叫, 真係好想兜巴星佢哋. 但係, 我又偏偏很羨慕呢班we嘩鬼叫嘅細路.

我羨慕的, 不是他們有得玩. 要玩, 我哋攞幾日假, 想去玩就玩, 有幾難? 我只羨慕他們玩完唔駛回到現實世界, 唔駛回工作崗位. 玩, 食同瞓就係佢哋現時嘅工作. 我將來都可能會有玩, 食同瞓嘅時候. 不過恐怕要到我退休後才有機會. 到時我周身骨痛, 眼又朦耳又聾. 跑又跑唔郁, 想嗌都嗌唔出. 即是永無機會好似D細路咁, 玩得咁爽.

唉, 我小時候又唔識得珍惜. 不過, 如果我走落樓叫班細路好好珍惜, 玩得開心D, 佢哋都唔會明我講乜, 算把啦.