世界難撈

人人都話要走, 連忠心好馬堅哥都話要resign. 佢真係堅, 未搵到後路都遞信, 以為佢真係有咁大決心. 點知條友仔, 俾黃蓉講掂咗叫佢留低, 喺我面前又話自己有幾大決心要走, 死性不改, 吹水大王.

如果堅哥都走埋, 我哋以前條team內嘅自己友真係冇晒喇. 我走完到史密夫同史密太. Missy又過咗嚟, 啊Cham又要跟老公去Singapore, 只剩下啊sir與堅哥.

Clau姐將會返去做, 史密夫都問緊話想返, 連以往做到黑口黑面嘅葉雅媛都話想返去, 唔通出面嘅世界真係咁難撈, 個個都要返去庇護工場?