廁所裡認識的朋友

攪清楚, 我絕對唔係基佬, 我唔係嗰D喺廁所搵獵物嘅渣滓. 只不過我係懶人一個, 懶人多屎尿, 返工時常去廁所, 在廁所裡又時常碰見男廁的清潔工人, 見得多咪同佢打個招呼囉.

其實佢都幾寂寞, 返工時我有同事與我交談, 得閒又可以上網. 佢日日只係對住一個個嘅屎坑和一卷卷嘅廁紙, 冇人同佢講吓嘢佢唔悶死都口臭死.

可能因為同佢沒有利害關係, 同佢打招呼, 總覺得佢嘅態度誠懇, 比某些表面上同人嘻嘻哈哈, 其實戴住個死人假面具嘅老屎忽, 與他碰面後身心都總會覺得舒暢.