cheap咖啡

昨晚睇完波夜瞓, 今朝我返到公司都仲係好眼瞓, 學人飲咖啡提神. 我唔飲公司D熱咖啡, 如果要走去st*rbucks又太遠, 所以就去汽水機買罐cheap cheap雀姣咖啡算數. 以前我嘅manager啊炳, 最鍾意每朝飲杯自己沖嘅雀姣咖啡. 佢飲完雀姣咖啡我實知, 因為佢一走埋嚟同我講嘢, 佢個口嗰D酸宿味, 真係好鬼死臭. 我必定要忍氣用口呼吸, 真係臭到我頭都暈. 我飲完罐雀姣咖啡, 都聞到自己D死人酸宿臭咖啡味. 即刻去洗手間漱口, 飲大杯水, 食香口膠乜都齊. 原來飲貴D嘅咖啡同飲D cheap貨真係有咁大分別, 我咁cheap又唔捨得買st*rbucks咖啡, 以後返工眼瞓都係去洗手間洗個面, 或者索性請sick leave算喇, 哈哈哈!